കറുപ്പും വെളുപ്പും കരുക്കളൊട്ടും
കള്ളിപ്പലക,കഥയറിയാതെയും കളികാണാം
കണ്ടുകണ്ടങ്ങിരുന്ന്
കളിനിയമങ്ങൾ കണ്ടെത്താം.
വെളുത്ത കാലാളടുക്കുമ്പോൾ
കറുത്ത കാലാൾ പിറകോട്ടോടുന്നുകറുത്ത കാലാൾ ഉന്തിമാറ്റുന്നു കറുത്ത കാലാളിനെ
കെട്ടിപ്പിടിക്കുന്നു
വെളുത്ത കാലാൾ വെളുത്ത കാലാളിനെ
വെളുത്ത രാജാവ് വെളുത്ത രാജ്ഞിയെ
കറുത്ത രാജാവ് കറുത്ത രാജ്ഞിയെ
തമ്മിൽത്തള്ളുന്നു
വെളുപ്പും കറുപ്പും പുരോഹിതർ
വട്ടംകറങ്ങുന്നു തേരുകൾ കുതിരകൾ
ആരാരെ ഉന്തുന്നു വലിക്കുന്നു -
നോക്കി നോക്കി വർഗങ്ങളാക്കിവെളുപ്പും കറുപ്പുമായ്
ആണും പെണ്ണുമായ്
മതവും മതവുമായ്.
കള്ളികൾ തിരിച്ച് കരുക്കൾ നിരത്തി
മുഖത്തെഴുതി പുരാണം പാടി
കളം വരച്ചു പട്ടികയാക്കി
കുത്ത് വര ചിത്രങ്ങളാക്കി
തത്വം പറഞ്ഞു സൂത്രം കുരുക്കി
വിശകലിച്ചു ഏകോപിച്ചു
നിഗമിച്ചു ടിപ്പണിച്ചു.
കരുവൊന്നിൻ മൂട്ടിലെ പുള്ളി കണ്ടതപ്പോൾ.
പുള്ളിയുള്ളവ 1 :
വെളുത്ത രാജ്ഞികറുത്ത രാജാവ്
വെളുപ്പും കറുപ്പും
തേരുകൾ കുതിരകൾ പുരോഹിതർ
വെളുത്ത കാലാൾ നാല്
കറുത്ത കാലാൾ ഏഴ്
ആകെ ഇരുപത്തഞ്ച്.
പുള്ളിയില്ലാത്തവ :
വെളുത്ത രാജാവ്കറുത്ത രാജ്ഞി
വെളുത്ത കാലാൾ നാല്
കറുത്ത കാലാൾ ഒന്ന്
ആകെ ഏഴ്.
പുള്ളിയുള്ളവ തമ്മിലുന്തുന്നു
പുള്ളിയില്ലാത്തവ തമ്മിലുന്തുന്നുഉള്ളവയും ഇല്ലാത്തവയും തമ്മിൽ വലിക്കുന്നു.
വർഗബന്ധങ്ങളഴിച്ചു
പട്ടിക വെട്ടിപ്പുതുക്കി
ചിത്രസൂത്രങ്ങൾ മാറ്റി.
പുള്ളിയുള്ളവ തമ്മിൽ ഇല്ലാത്തവ തമ്മിൽ
നേർക്കുനേർ ഉന്തുന്നുവശങ്ങളിലൂടെ വലിച്ചടുപ്പിക്കുന്നു
ഉള്ളവയും ഇല്ലാത്തവയും തമ്മിൽ
നേർക്കുനേർ വലിച്ചടുപ്പിക്കുന്നു
വശങ്ങളിലൂടെ ഉന്തുന്നു.
കീഴ്മേലായും വശങ്ങളിലായും
വർഗബന്ധങ്ങൾ പിരിച്ചെഴുതി.
പുള്ളിയുള്ളവ കൂടാനും
പുള്ളിയില്ലാത്തവ കുറയാനുംകൃത്യം ഇരുപത്തഞ്ചും ഏഴുമാവാനും
കാരണങ്ങൾ നിരത്തി.
ഇതുവരെയുണ്ടായിരുന്നതും
ഇപ്പോൾ ഉള്ളതും
ഇനിയുണ്ടാവാൻ പോവുന്നതുമായ
എല്ലാ കരുക്കൾക്കുമായി
ചലനനിയമങ്ങളൊരുക്കി.
ശകലിച്ചു കോപിച്ചു
ഗമിച്ചു പണിച്ചു.
1. RATNA's
King's Kingdom : Magnetic Chess Set, Prem Ratna Games & Toys, Mumbai
ശുഭാശംസകള്....
ReplyDeleteഉന്തുന്തു,ന്തുന്തുന്തു,ന്തുന്തുന്തു,ന്തുന്തുന്തു,ന്തുന്തുന്തു,ന്തുന്തുന്തു,ന്താളെയുന്ത്
ReplyDeleteഹോ, എത്രയുന്തിയാലാ ഈ കളിയൊന്ന് തീരണത്.
അങ്ങനെ ചെസ്സ് പഠിച്ചു.....
ReplyDelete